تفحّصُ الجسد بلطفٍ وتعاطف
فحص لطيف للجسد، يمنح كل جزء منه شيئًا من العطف.
أهلاً، أنا سوزان من Chayn. خلونا نعمل مع بعض تمرين تأريض يعني grounding.
الهدف من الممارسة دي هو إننا نتعامل مع نفسنا بلطف وتعاطف، ونشتغل على بناء وعي داخلي لأجسامنا.
أول حاجة، حرصوا على إنكم تلاقوا وضعية مريحة وخدوا شوية وقت عشان تنتقلوا بذهنكم لهذه الممارسة. تقدروا تعملوها وإنتوا قاعدين أو مستلقيين، وكمان تقدروا تختاروا بين إنكم تغمضوا عينيكم أو تركّزوا نظركم على نقطة معينة قدامكم.
هنتفحّص جسمنا، بكل أجزائه، ونجيب معانا مشاعر اللطف والتعاطف لكل جزء منه. لو غمركم إحساس معين مرتبط بأحد أجزاء الجسم، تقدروا تتخطّوا الجزء ده وترجعوا ليه بعدين لما تحسوا إنكم مستعدين.
وجّهوا انتباهكم نحو الجبين والعينين والفك، وأزيلوا أي توتر من هناك. استرخوا لحظات. لو حسّيتوا بألم أو انزعاج، ابعثوا اهتمام خاص لطيف ومحب لهذا الجزء المحدد من الجسم.
وبعدين انتقلوا للرقبة والحنجرة، سامحين ليهم بالاسترخاء كمان، ولاحظوا لو في أي تشنج أو انزعاج في المنطقة دي.
كملوا الممارسة وانتقلوا دلوقتي نازلين نحو الكتفين والصدر واملأوا أجسامكم بكتير من اللطف والحنان. لاحظوا لو في أي انزعاج وشجّعوه على الهدوء واللطف. وجّهوا انتباه مليان حب ولطف لأي وجع أو إحساس بتختبروه. ماتحاربوش وماتقاوموش، بس خلّوا اللي بيحصل يحصل.
وجّهوا انتباهكم للذراعين الاتنين، من أعلى الذراعين لحد أطراف الأصابع. لو كنتوا بتمرّوا بوقت صعب، اسمحوا لإيدكم تستريح على قلبكم وحسّوا بلمستها المريحة والمسكّنة.
وبعدين انتقلوا للبطن والظهر والحوض، وأغدقوا على المنطقة دي اللطف والعطف. لو ظهرت مشاعر صعبة، إما ارجعوا للتنفس أو حاولوا تكرّروا بعض الجمل دي: "عسى أن أشعر بالأمان، عسى أن أشعر بالصحة والسلام. عسى أن أعيش براحة." خلّوا الكلمات دي تستقر فيكم، استقبلوها، واسمحوا ليها تغذّيكم.
لو واجهتوا إحساس بالنفور تجاه أي جزء من جسمكم، حاولوا توجّهوا ليه بألطف نبرة عندكم وتقولوا له: "عسى أن أحب وأتقبّل جسدي كما هو. عسى أن أعامل هذا الجسد بعطف ولطف."
وبعدين وجّهوا انتباهكم نحو الفخدين والركبتين والكاحلين والقدمين مع تقدير لكل اللي بتعمله أجسامكم ليكم والجهد اللي بتبذله عشانكم. لو تشتّت انتباهكم، ارجعوا للعبارات المناسبة ليكم أو للتنفس.
اختموا التمرين بتوجيه التعاطف لجسمكم بأكمله، بكل ما فيه من ندوب أو عيوب أو آلام أو أمراض. حاولوا تقدّروا الجسم ده وتحبّوه كما هو، دلوقتي، في اللحظة دي. ولما تحسّوا بالاستعداد، تمدّدوا شوية وحرّكوا أصابع الإيدين والرجلين ودوّروا المعصمين والكاحلين وبعدين افتحوا عينيكم. حاولوا تحملوا معاكم روح التعاطف دي للتمرين أو النشاط الجاي.
الوصول إلى هذا التمرين
أنشئوا حساباً مجانياً لفتح جميع الجلسات وحفظ تقدُّمكم.
